O BNG presentou unha iniciativa que se debaterá no vindeiro Pleno Municipal, pola que se lle reclama ao goberno do PP que cumpra, de xeito urxente, a Lei 52/2007, de 26 de decembro de Memoria Histórica, cambiando, de xeito urxente, o nome das rúas que connoten a exaltación do antigo réxime totalitario por outros adaptados á nosa realidade galega. Tamén se solicita a retirada de escudos, placas e demais simboloxía franquista.
No noso concello quedan varios símbolos franquistas na paisaxe urbana. Só por citar uns exemplos: o escudo preconstitucional da capitanía, o símbolo da falanxe en varias fontes e o sangrante caso do nome da rúa Xeral Franco no centro da nosa cidade.
Son moitos os colectivos e persoas que se sorprenden de que aínda teñamos no noso entorno todos estes símbolos. Dende o BNG xa temos solicitado reiteradamente que se procedera a eliminar esta simboloxía que recorda a unha ideoloxía totalitaria e asasina, da que seguro ninguén se considera herdeiro.
A Lei en vigor, 52/2007, de 26 de decembro, pola que se recoñecen e amplían dereitos e se establecen medidas en favor de quenes padeceron persecución ou violencia durante a guerra civil e a ditadura – máis coñecida como Lei de Memoria Histórica – establece no seu artigo 15 sobre Símbolos e monumentos públicos o seguinte:
“As Administracións públicas, no exercicio das súas competencias, tomarán as medidas oportunas para a retirada de escudos, insignias, placas e outros obxectos ou mencións conmemorativas de exaltación, persoal ou colectiva, da sublevación militar, da Guerra Civil e da represión da Ditadura.”
Pasado máis dun ano da entrada en vigor da Lei da Memoria Histórica dende o BNG de Ribeira, recollendo o sentir da cidadanía, solicitamos unha vez máis a súa aplicación. Consideramos que os gobernos están para cumprir a lei. Ningunha maioría absoluta esta lexitimada para conculcala.
Iniciativa Municipal:
2009-01-16-memoriahistorica.pdf
menuda verguenza
La parroquia de Ribeira sigue su lucha para sortear una sanción por mover unas lápidas
osea, que tenemos un cura arqueologo que sabe más que patrimonio….......
«Era un cierre de barro que se caía»
http://www.lavozdegalicia.es/barbanza/2009/03/17/0003_7595474.htm