Vázquez Cobas anima á veciñanza a consturír colectivamente o programa de goberno

As liñas xerais trazadas polo Bloque poderían resumirse nunha Ribeira accesíbel, xusta, verde, con emprego e onde as parroquias conten


O BNG prosegue no seu traballo para liderar un goberno de cambio en Ribeira. O voceiro e candidato á alcaldía, Xosé Vázquez Cobas, anunciou que as liñas xerais do programa de goberno están redactadas polo que esta semana abren o prazo para que a veciñanza poida facer achegas ao programa de goberno.


Vázquez Cobas, sinalou que “a aposta do BNG, como sempre fixo, é que a sociedade ribeirense teña voz na política local e por iso abrimos foros de participación a través de mail, whatsapp ou redes sociais nas que todo o mundo poida facer achegas”. Xa se incorporaron achegas de asociacións e colectivos e teremos en conta todas as propostas que recibamos para aprobalas mediante asemblea aberta, como xa se fixo coa designación do candidato e da candidatura.


O Bloque aposta desta maneira, por construír “un programa participativo no que todo o mundo poida estar representado”. As achegas poderán facerse por enderezo electrónico, redes sociais ou no whatsapp 617880679.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.