O BNG solicita que se convoque a segunda edición do Concurso de Novela Curta
Tamén reclama que, de maneira urxente, se edite a obra gañadora do Concurso de Novela Curta da primeira edición
Co galo do centenario da cidade de Ribeira convocáronse unha serie de actividades unha delas foi o “concurso de novela curta”. Como recordamos, a gañadora deste concurso foi Begoña Paz Rei coa súa obra “As mellores intencións”.
O fallo desta obra realizouse en decembro de 2006 e a entrega do premio en xaneiro de 2007. As bases da convocatoria deste concurso comprometían a edición da obra gañadora e asemade o goberno municipal amosaba a disposición á continuidade, en convocatoria anual, deste concurso.
Un ano despois nin está editada a obra gañadora, co lóxico perxuizo para a autora da mesma, nin se ten convocado a segunda edición do concurso. Esta situación amosa a falta de seriedade por parte do goberno municipal e a deixadez das funcións da concellería de cultura.
Iniciativa municipal:
concursonovela.pdf