Solicitamos o arranxo do muro do campo da Fieiteira

Nenos e nenas xugando mentras ao fondo se ve o muro derrubado do campo de fútbol da Fieiteira

O BNG ven de presentar unha iniciativa para que o Goberno do PP de Ribeira tome as medidas oportunas para que se arranxe de xeito urxente o peche perimetral do campo de fútbol de céspede artificial, que se derrubou fai poucos días, reforzando as partes que non caeron, e que á vez se instalan redes protectoras para evitar a perda de balóns

De xeito reiterado o grupo municipal do BNG de Ribeira vén traendo ao Pleno de Ribeira propostas para a mellora nas instalacións deportivas do noso concello. Unha das instalacións que é obxecto de melloras, a pesares de ser unha obra nova, é o campo de céspede artificial.

Son moitas as melloras que se poden acometer como, só por citar algunhas, a transformación do cuberto que protexe aos espectadores nunha auténtica grada con asentos axeitados para o público que asiste ou a instalación das redes protectoras que eviten se perdan os balóns. Por certo, redes estas que levan moitos meses nun almacén do complexo deportivo á espera de que os responsables políticos dean a orde para colocalas.

Sen embargo o feito máis grave produciuse hai uns días cando o vento derrubou unha parte importante do muro perimetral da zona sur deste campo. Afortunadamente non houbo ningunha persoa accidentada e xa a policía local tomou medidas de sinalización e balizamento.

Este muro foi construído recentemente polo concello e evidentemente non está suficientemente reforzado. Xa este grupo municipal advertiu no Pleno do pasado mes de outubro que había bloques que caeran do muro e que supoñían un risco para os centos persoas que acoden a adestrar e a xogar ao fútbol.

Evidentemente o grupo de goberno non ten culpa de que haxa mal tempo, pero si ten a responsabilidade, cando executa unha obra, de velar porque esta sexa segura.

Iniciativa Municipal:
2009-11-21arranxo_peche_campo_fieiteira.pdf

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.