Pedimos contas sobre a situación do alumeado público

En representación do BNG de Ribeira, veño de presentar unha iniciativa que se debaterá no Pleno ordinario do vindeiro luns, día 24 de setembro, demandando que o Grupo de Goberno abra unha exhaustiva investigación interna para esclarecer as causas do tráxico suceso acontecido o pasado Entroido, que se depuren as pertinentes responsabilidades e se adopten as medidas oportunas para que non volva a acontecer algo semellante.

O pasado martes, día 20 de febreiro ás 4 da madrugada, produciuse un grave accidente no que un mozo faleceu por electrocución, según se recolle no informe da autopsia. Isto aconteceu ao lado dunha carpa provisional, instalada por unha empresa contratada polo Concello de Ribeira, na rúa Portugal, diante do auditorio e a carón dunhas farolas do alumeado público.

Estes feitos agrávanse máis, se cabe, porque existen indicios solventes de que a instalación do alumeado público xa dera sinais de mal funcionamento, pois existen denuncias previas de descargas eléctricas presentadas diante da Policía Local xa dende decembro pasado.

É notoria a alarma existente entre a cidadanía dada a incerteza que este grave suceso xerou. Polo tanto, resulta realmente preocupante que, pasado xa un tempo prudencial, non se deran explicacións por parte do Grupo de Goberno e, nomeadamente, do Alcalde nin a cidadanía, nin a Corporación Municipal, nin tan sequera aos seus voceiros, a respecto das causas deste dramático acontecemento, das posibles neglixencias que o ocasionaron e das actuacións que del deberan derivarse.

Consideramos, pois, que xa é hora de que o Alcalde de contas á cidadanía de todo o acontecido.

Moción:
2007-07-14-alumeado-publico.doc

Un comentario en «Pedimos contas sobre a situación do alumeado público»

  1. Espero que se tomen medidas para que esto no vuelva a ocurrir. Yo he estado allí con mis hijos ese día y parece que hemos tenido mucha suerte. No entiendo como habiendo denuncias no se actuó a tiempo. Esto me parece muy grave.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.