Hoxe comezaron as visitas teatralizadas organizadas polo Museo Municipal de Ribeira que se van desenvolver até o mes de xuño tratando a temática das Heroínas de Sálvora e do Santa Isabel, a iniciativa vai dirixida ao público infantil no que participarán os diferentes colexios do municipio.
Este ciclo de visitas inaugurouse no día de hoxe coa presenza dos alumnos/as de infantil do CEIP Heroínas de Sálvora de Aguiño que leva precisamente o mesmo nome da exposición a teatralizar. Asistiron tamén a concelleira de Cultura, Antía Alberte.
A concelleira informou que foi unha actividade proposta polo técnico do museo, Miguel Vidal apuntou, “e unha actividade na que estaán convidadas as escolas do municipio, estamos contactando con elas e incluso de fora para que veñan, todo con reserva previa para avisar a Cipriana para que nos veña a explicar que pasou aquela fatídica noite do 2 de xaneiro do nao 1921”. Antía tamén animou á veciñanza de Ribeira que veña ver esta exposición permanente e convidou aos familiares que veñan de visita a Ribeira así como a tódala xente que visite a cidade”.
“Comezamos dende as escolas porque pensamos que dende a infancia temos que transmitir eses valores de arraigamento, e nutrilos da historia do noso municipio”.