Polígono Empresarial da Barbanza

Presentando o Polígono da Barbanza na Casa do Mar de Ribeira
Localización Polígono da BarbanzaProposta de Ordenación Polígono da Barbanza

 

Máis información sobre o Polígono Empresarial da Barbanza:
poligonoempresarialbarbanza.pdf

A Consellería de Vivenda e Solo, que dirixe a nacionalista Teresa Táboas, ven de licitar a redacción do Proxecto Sectorial e de Urbanización do Parque Empresarial da Barbanza.

O prego foi remitido hoxe ao Diario Oficial das Comunidades Europeas (DOCE), as empresas disporán ata o 13 de xullo para presentar as súas ofertas.

Este parque contará cunha superficie de 1 millón de metros cadrados, nos concellos de Ribeira e Pobra do Caramiñal, e o investimento total previsto é de 32 M. €

Ademais da redacción dos proxectos Sectorial e de Urbanización, o concurso público inclúe a redacción do Estudo de Impacto Ambiental, Prospección e Informe Arqueolóxico, Estudo de Seguridade e Saúde e o Plan de Calidade. A data límite de entrega de todos estes documentos é o 15 de decembro de 2007.

Da superficie total do parque, 541.520 metros cadrados estarán dedicados a uso empresarial e industrial, 311.824 serán espazos libres, 124.198 metros cadrados estarán ocupados pola rede viaria e 31.386 metros cadrados serán os destinados a equipamentos. O investimento total previsto nesta actuación é de 32.062.224 euros, dos que mais de 27 millóns se dedicarán á urbanización e 4,1 millóns se empregarán na adquisición de terreos.

A Consellería de Vivenda e Solo prevé que os traballos previos de planeamento así como a súa tramitación administrativa se desenvolvan ao longo deste ano 2007 e que as obras de urbanización poidan comezar no primeiro semestre de 2008.

Este parque incluirá naves modulares para os/as pequenos/as empresarios/as que queiran instalarse co obxectivo de dar resposta ás súas necesidades de solo produtivo a un prezo e nunhas condicións razoables. Estas naves terán un tamaño aproximado de 500 metros cadrados e serán adxudicadas en réxime de aluguer con opción de compra transcorridos 10 anos.

Ademais, o futuro Parque Empresarial do Barbanza contará cun edificio de usos múltiples para dar servizo aos/as empresarios/as que se instalen neste parque, tanto de Ribeira como de Pobra do Caramiñal. Este edificio, que contará con espazos comúns de novas tecnoloxías, estará situado nunha parcela de uso dotacional público e será adxudicado por concesión administrativa durante un prazo determinado de tempo.

O Parque Empresarial do Barbanza está incluído no Proxecto Galiza Suma, que supón a construción de parques empresariais estratéxicos e ben dimensionados, cunha alta calidade arquitectónica e tecnolóxica, con dotacións e servizos propios do século XXI.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.