Resumo dos asuntos tratados no Pleno extraordinario celebrado o 28 de decembro de 2020.
Aprobación da Conta Xeral. Votos a favor de PP, PSOE, en contra de PBBI, SR e abstención do BNG.
Aprobación provisional da modificación puntual do Plan Xeral de Ordenación Municipal (PXOM) para dotar a Ribeira de chan industrial.
Desde o BNG congratulámonos de que tras moitos anos de parálise por decisións erróneas tomadas polo Partido Popular, se avance nun asunto fundamental para Ribeira como é a creación de máis solo industrial no que poder asentar empresas. A zona escollida para o polígono industrial é a de Pedras Vermellas que é un espazo a carón do que ía ser o Macropolígono industrial da Barbanza proxectado polo goberno de PSOE-BNG e que o PP sempre impediu desenvolver por razóns ideolóxicas e que agora se ve que si se podía ter desenvolvido.
Por outra banda, no expediente aprobado alén de dotar a Ribeira de chan industrial vaise protexer a costa evitando que sexa terreo industrial a zona de Couso en Aguiño.
Desde o Bloque, o voceiro Xosé Vázquez, solicitou que se axilizasen os prazos todo o posíbel e que se estea en contacto coa Asociación de Empresarios/as de Ribeira para que se realice conforme ás necesidades que teñan as propias empresas.
Aprobado por unanimidade
Designar unha rúa a HMR Talleres Nervión. Esta empresa dedicouse á fabricación de motores mariños baixo a marca HMR desde 1940 ata 1980. Chegou a ter tres naves e 150 empregados e situou a Ribeira na referencia da mecánica naval. Aprobado por unanimidade
Renuncia da concelleira do PSOE, Rita Rial.