CONSTITUIDA A PLATAFORMA POLA DEFENSA DO ENTORNO NATURAL DE SERÁNS.
NOTA DE PRENSA DA PLATAFORMA:
“CONTRA A AMPLIACION DA PISCIFACTORIA DE SERÁNS
A asociación de veciños de Tahume (San Pedro de Muro) reuniuse o pasado día 12 na casa da cultura de Novas en asemblea extraordinaria para debater a ampliación da piscifactoría NASTOS, ubicada na praia dos Regos en Seráns, que se recolle no Plan Sectorial de Acuicultura de Galicia coma parque número 8: Sera.
Á asemblea, que contou con asistencia masiva, acudiron en calidade de convidados representantes da Plataforma Medioambiental de Corrubedo, así como o Patrón Maior da Confraría de Aguiño.
Os asistentes mostraron a súa desconformidade con esta ampliación e decidiron constituír a Plataforma para a Defensa do Entorno Natural de Seráns co obxectivo de preservar a zona no seu estado actual.
Esta plataforma traballará para redactar as alegacións pertinentes pero ao mesmo tempo non desbotan mobilizacións se non se escoitan as súas pretensións.
En Seráns a 12 de Xullo de 2007”
Nova na Voz:
Os veciños loitarán para evitar a ampliación da granxa de Seráns
A Confraría de Aguiño pode perder unha zona rica en percebe