Orzamentos adicionais do Estado para A Barbanza

Rolda de prensa con Ana Pontón

O BNG da Barbanza, en rolda de prensa celebrada hoxe, quixo resaltar a labor negociadora do BNG no Parlamento do Estado, grazas á cal o orzamento para o noso país superou a cantidade inicialmente prevista, 1.942 millóns de €, en 100 millóns, colocando así o orzamento galego en 2.042 millóns de €.

No relativo á nosa comarca, recóllense actuacións por un importe adicional que ascende a 2.600.000 €, grazas ás alegacións presentadas polo BNG da Barbanza, que se concretan do seguinte xeito:

Unha partida de 300.000 euros destinados á recuperación do borde natural de Couso a Corrubedo e a Illa de Sálvora (Ribeira), moi danados pola catástrofe do Prestige. Outra de 1.000.000 euros destinada ao condicionamento do litoral e senda en A Ribeiriña (Pobra do Caramiñal). Para o Paseo marítimo de río Coroño e marítimo de Esteiro (Boiro) consignáronse 600.000 euros. Finalmente un orzamento de 700.000 euros irá destinado á recuperación de cantís entre Tanxil e Tronco en Rianxo.

Tamén nos congratulamos pola adquisición da Illa de Sálvora por importe de 8,5 millóns de €, exercendo o dereito de retracto, unha constante reivindicación do BNG de Ribeira e da Comarca, que acaba de facerse realidade para beneficio de toda a cidadanía.

Máis información:
pactobng-psoeparaincrementosorzamentos2008destinadosagaliza.doc

Tabla co incremento acadado polo BNG nos orzamentos do Estado 2008:
tablaorzamentos08bng.doc

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.