A Tesorería Xeral da Seguridade Social confírmalle ao BNG que no 2010 non se construirá a Oficina Integral da Seguridade Social de Ribeira
En resposta á pregunta do deputado do BNG, Francisco Jorquera, dende o Goberno do Estado afirman que está “previsto, nun futuro, a construción” desta Oficina para o que “xa dispón de tres parcelas sitas en Abesadas (Ribeira)”
Dende o BNG lamentamos que para o Goberno do Estado este investimento “non sexa imprescindíbel” e que se utilice como escusa a actual situación económica para darlle prioridade a outros investimentos en detrimento deste que, de manterse o compromiso anunciado no ano 2003, suporía a construción dun edificio de ámbito comarcal que contaría con servizos administrativos, puntos de información e atención, servizo de recadación executiva; creando en torno a 50 postos de traballo, ademais dos que a propia construción do edificio xeraría.
Por esta razón, ademais da iniciativa presentada no Congreso dos Deputados, dende o BNG presentamos unha Proposición non de lei no Parlamento Galego pola que se insta á Xunta de Galiza a demandar do Goberno do Estado que se inicien os trámites precisos para construír unha sede da Seguridade Social no concello de Ribeira, garantindo que este novo equipamento non supoña o desmantelamento dos servizos existentes na actualidade na comarca.
Resposta á iniciativa do BNG:
2009-09-09resposta_tesoreria_ss_ribeira.pdf
Iniciativa do BNG no Parlamento Galego:
2009-07-08sede_seguridade_social_ribeira.pdf