O BNG demanda que se dote ás zonas rurais de Ribeira de internet de calidade

Rexistramos unha iniciativa plenaria ante as queixas recibidas de veciños e veciñas das parroquias para que o Concello de Ribeira non fique de brazos cruzados ante a falta de acceso de calidade á internet nas zonas rurais do municipio.

No BNG cremos que a poboación que vive en zonas rurais precisan contar con todos os servizos fundamentais de maneira igual aos habitantes que viven nos ámbitos urbanos, entre estes servizos non só está o saneamento, a auga, o lixo ou o alumeado senón que tamén está o acceso a internet de calidade.

O concelleiro Luís Pérez Barral explicou que “o acceso a internet é un dereito recoñecido pola ONU e debe ser garantido polas administracións públicas, sobre todo nun contexto no que a COVID-19 deixou patente a fenda dixital existente entre os veciños e veciñas que viven no rural, fronte aos que viven nos ámbitos urbanos”. Desde o BNG consideramos que non pode haber discriminacións, especialmente cando falamos da educación a distancia ou do teletraballo que moi probabelmente sexan cuestións recorrentes nos vindeiros meses.

Alén da fenda dixital por cuestións técnicas, “tamén hai que engadir a fenda dixital por cuestións económicas, xa que non todo o mundo pode afrontar o custe do acceso a internet, especialmente no rural onde o servizo é máis caro a pesar de ser de peor calidade” apuntou Pérez Barral.

Ante esta situación, o BNG esíxelle ao Concello de Ribeira que inste á Xunta, ao Goberno do Estado e ás compañías telefónicas a que fagan o despregamento da fibra óptica en igualdade de condicións a toda a veciñanza que carece dela na actualidade.

Un comentario en «O BNG demanda que se dote ás zonas rurais de Ribeira de internet de calidade»

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.