Rodríguez afirma que o BNG “non vai amparar unha estratexia que vai na direción de colonizar e ocupar países” e engadiu que o de Afganistán “é unha guerra de intereses xeoestratéxicos”
Madrid, 25 Febreiro 07. Francisco Rodríguez explicitou este mediodía na Deputación Permanente do Congreso dos Deputados, o voto en contra do BNG ó envío de máis militares españois a Afganistán.
Francisco Rodríguez é membro da Deputación Permanente da Cámara Baixa até que se constitúan as Cortes o vindeiro 1 de Abril e comece, por tanto, a vindeira lexislatura. Nesa función, participou na sesión desta mañá na que se debatía e votaba o envío de máis militares españois a Afganistán para o despregue de efectivos para operar Vehículos Aéreos Non Tripulados na que participan as Forzas Armadas do Estado español.
Rodríguez deixou clara, máis unha vez, a posición contraria do BNG á presenza das tropas españolas no país asiático. “Sempre nos opuxemos ao envío de tropas a Afganistán” e ademáis, lembrou que “non votamos favorabelmente a Lei de Defensa Nacional”, cuxo artigo 17.3 era o que hoxe estaba enriba da mesa posto que se trataba de ratificalo por parte da Cámara.
Máis información…