O alcalde de Ribeira, Luís Pérez mantivo unha reunión coa deputada delegada de Mar e Medio Rural, Cristina Capelán e o patrón Maior de Aguiño; co propósito de discutir estratexias colaborativas destinadas a impulsar o desenvolvemento económico na rexión.
Nun esforzo por fortalecer a economía local e potenciar os produtos comercializados nas lonxas pesqueiras, abordouse a posibilidade de establecer novas liñas de axuda que permitan ás confrarías desenvolver estratexias comerciais efectivas.
Durante a reunión, destacouse a importancia de apoiar ás confrarías na promoción e comercialización dos seus produtos, cun enfoque especial na creación dunha marca sólida..
A Deputada expresou o seu compromiso co sector pesqueiro local e o seu desexo de colaborar estreitamente coas confrarías e o Concello para impulsar o crecemento económico na rexión.