O BNG de Ribeira ven de reclamar diante do Goberno do PP arranxos e melloras diversas no campo de céspede artificial da Fieiteira.
O BNG solicita que se constrúa unha grada no campo e se dote de pavimento as zonas de terra polas que transitan os/as xogadores/as e o público.
Tamén demanda que se abran os vestiarios cando os clubes teñan entrenamentos ou partidos oficiais, que se encargue da limpeza do entorno e dote papeleiras á instalación deportiva e tome as medidas oportunas para evitar que o portalón de acceso esté aberto cando non hai actividade.
O campo de céspede artificial é usado por varios clubes do noso concello. Dende o BNG reiteramos varias veces a posta en marcha e mellora desta instalación. Mais outra vez temos que ser altofalantes das demandadas dos usuarios e usuarias, solicitando as melloras neste recinto deportivo que a cidadanía reclama. As queixas son as seguintes:
Os vestiarios do campo non se abren cando hai adestramentos pola semana, polo cal os e as xogadores/as non se poden cambiar logo da actividade física.
Os días de chuvia non hai onde abrigarse e habería que pensar en facer unha pequena grada que protexa do vento e da chuvia do sur.
No perímetro do campo quedaron zonas de terra que cando choven enchóupanse de auga formando barro o cal dificulta o acceso ao recinto.
O portalón de acceso ao recinto está moitas veces aberto.
A limpeza do campo é deficiente.
Iniciativa municipal:
2008-05-30arranxocampofieteira.pdf