Mellora da recollida do lixo

Nos orzamentos do Concello de Ribeira do 2007 o contrato de recollida de lixo, experimentou un escandaloso incremento de preto de 300 mil € (50 millóns das antigas pesetas), ascendendo o importe total desta partida a 1.460.000€.

A subida de prezos debería ir obrigatoriamente acompañada dun mellor servizo. Sen embargo, hai rúas en Ribeira, como por exemplo a rúa da Canteira, onde só existe un único contedor para recoller residuos orgánicos, de todo insuficiente para a cantidade de xente que vive na zona. Nesta mesma rúa constátase a ausencia de contedores para a recollida selectiva de envases lixeiros, vidro e papel o que impide que a veciñanza poida practicar unha selección de residuos activa para a súa posterior reciclaxe.

Tamén é importante a limpeza destes contedores para evitar cheiros indesexables, situación esta que se agrava cos calores do verán. A deficiente limpeza dos contedores dáse, entre outros sitios, no Parque García Baión.

O BNG, por medio do noso concelleiro Luís Teira, ven de presentar unha iniciativa solicitando diversas melloras.

2007-07-06-solicitudecontenedoreslimpezacanteiraegarciabaion.doc

3 comentarios en «Mellora da recollida do lixo»

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.