Informe sobre a Cobertura de TDT en Ribeira

Mapa de situación dos Centros Emisores e das parroquias

O BNG de Ribeira tivo acceso a un informe de RETEGAL, S.A. no que se analiza a cobertura do sinal de TDT nas parroquias de “Artes, Oleiros e Olveira, pertencentes ao Concello de Ribeira. Parroquias situadas na estribación oeste da Serra do Barbanza; zona de difícil orografía, cubertas dende o punto de vista radioeléctrico por diversos Centros Emisores.”

Según o informe, “estas zonas, dependendo da situación, reciben o servizo de TV dende os Centros Emisores de: Domaio; Muros; Porto do Son e Curota; ademais dun Micro-reemisor situado en Olveira.”

Para a realización deste informe, persoal de RETEGAL, S.A. realizou unha serie de medidas de cobertura o pasado día 12 de decembro deste ano nas devanditas parroquias. As consideracións e conclusións son as seguintes:

“As zonas obxecto de estudio teñen unha orografía moi complicada, ao que se une unha situación xeográfica que provoca a recepción de sinais interferentes de zonas afastadas.

O Concello de Ribeira, dentro do Plan de Transición á TDT, está incluído no Proxecto de Transición de Domaio, a data de “apagado” da cal é o 3 de Abril de 2010; data esta na que a actual TV analóxica debe ser substituída pola TDT.

Analizadas as diferentes medidas realizadas podemos dicir que o Multiplés Autonómico (TV.G.) é con diferenza o que mellor cobertura ten nas referidas parroquias, existindo unicamente zonas localizadas sen servizo. Esta cobertura verase incrementada co próximo inicio de emisións dende o Centro reemisor de A Curota, ao que se engadirá a posta en servizo do Centro Emisor de Porto do Son, previsto para xaneiro do 2009.

Non obstante o anterior, unha vez operativos a totalidade dos Centros planificados para a rede primaria polas diferentes cadeas de TV, é previsible que zonas como as de Oleiros e Campelo, polas súas especiais condicións orográficas, requiran a instalación de encheocos (“gap-fillers”).”

Precisamente, o Grupo Municipal do BNG, coñecedor destes problemas, ven de presentar novamente unha iniciacitiva pola que solicita do Goberno Municipal que, unha vez realizados os estudos técnicos pertinentes, xestione ou proceda á instalación por propia iniciativa dos equipamentos precisos que o estudo técnico determine para proporcionar cobertura da TDT a todos os núcleos do Concello.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.