Con motivo da celebración do día internacional contra a violencia de xénero, Galiza Nova e o BNG promoven unha recollida de sinaturas para que a Barbanza conte cun Centro de Orientación Familiar (COF).
Centos de persoas se achegaron a mesa informativa instalada no mercadillo de Ribeira, na que se repartiron uns 400 folletos e se recolleron preto doutras tantas sinaturas a prol de que esta comarca conte cun COF.
Os Centros de Orientación Familiar facilitan asesoramento e asistencia médica en materia de sexualidade e anticoncepción. Este é un servizo longamente demandado pola comunidade educativa da Barbanza, pola Asociación Antidroga Renacer e que conta tamén co respaldo das Corporacións Municipais dos catro concellos da comarca.