Pleno Aberto entrevista
Nos últimos anos aínda que Ribeira ten uns investimentos importantes con obras como Mercado Municipal, Lonxa nova, Gardería Municipal, Pavillón e Palmeira, etc paralízanse durante moito tempo por mala xestión política, a vida da xente de Ribeira non mellorou.
O plan Ribeira, Atlántica cunha dotación económica de 7.000.000€, non o están xestionando ben, e isto evidénciase coas paralizacións e os serios atrasos por falta de planificación.
Vázquez Cobas, criticou que o equipo de goberno está máis pendente de gastar os cartos en obras non prioritarias, en publicidade ou propaganda que en axudar á xente que o está pasando mal e á xente desempregada,
No eido laboral, o BNG denuncia que en Ribeira non haxa chan industrial, o PP sobe tódalas taxas municipais un 5% e no último pleno o PP votou contra a proposta do BNG que pedía non subirlle os impostos ás persoas autónomas e que se habiliten axudas á hostalaría, pequeno comercio e a quen xerase emprego estable.
No BNG sempre apostamos por un proxecto de reactivación económica e xustiza social, defendendo os dereitos sociais fronte ás políticas do PP e da Troika. Un Grupo Municipal novo e unha Asemblea onde antigos militantes e xente moza aportan o mellor das súas ideas e do seu traballo, para sermos a alternativa de goberno en Ribeira.