O BNG de Ribeira quer denunciar publicamente a incapacidade do actual goberno municipal para levar a cabo dun xeito racional a xestión do actual Plan Xeral de Ordenación Municipal (PXOM). Situacións como a que se observa no edificio actualmente en construcción na Praza do Concello esquina coa Rúa 9 de Agosto, demostran, se non o estaba xa, o pouco interese do actual goberno municipal do PP por corrixir, en beneficio dunha mínima estética urbana, situacións anormais para o sentido común como é o caso das alineacións do citado edificio.
Ampararse no actual PXOM –que por certo o goberno xa debera ter corrixido hai 3 anos como estaba obrigado por lei, e que en multitude de ocasións demandamos- é unha forma de encubrir a súa neglixencia e falla de interese en evitar este “adefesio” que se vai plantar no centro de Ribeira. A reducción do ancho da beirarrúa á altura do citado edificio, que rompe coa liña dos demais edificios desa mesma rúa, é un sinsentido que rompe coa lóxica elemental e que non pode atopar amparo nunha lectura groseira da cartografía do actual PXOM. Era, ademais, perfectamente evitábel.
O BNG xa manifestara diante do máximo responsable do goberno municipal o seu desacordo co aliñamento que se prevía para este solar e o noso apoio a unha solución negociada cos propietarios que tería evitado a situación que agora se consagra co beneplácito do Goberno do PP e para escarnio da cidadanía.
Nova no Correo Galego
A verdade é que son moitas as persoas que quedan abraiadas coa construción deste edificio. A alineación que ten no PXOM esta parcela, terá algo que ver con que fora o daquela concelleiro de urbanismo e tenente de alcalde (hoxe portavoz parlamentar do PP) un dos compradores da vella casiña e dos primeiros promotores desta obra?
E un pouco raro todo o que aconteceu en torno a isto. Onde primeiro á dona non lle deixaron arranxar o tellado, logo o propio concelleiro de urbanismo intenta facer un edificio de apartamentos…
Cousas veredes amigo Sancho…
Que máis “sorpresas” nos deparará este PXOM?
A moitas persoas nos sorprende que aí se plante semellante “adefesio”. Non se trata de ser mal pensad@s, pero que un dos compradores desa casa sexa o que era conselleiro de urbanismo cando se fixo o PXOM, e que algo terá que ver coa alineación desa parcela, é un dato obxectivo. Como tamén o é que onde á anterior propietaria, Torres e compañía, non lle deixaron arranxar o tellado, o propio concelleiro de urbanismo intentou facer un edificio de apartamentos… (Agora parece que lle “colgou o morto” a outros).
Xa veremos que máis “sorpresas” nos depara este PXOM, cando tardan tanto en modificalo por algo será.