Demandamos un novo Mercado Municipal para Ribeira

O BNG presentou unha iniciativa diante do Pleno Municipal para que se dote a Ribeira dun novo Mercado Municipal

O BNG solicita que se proceda á demolición do vello edificio actual e se constrúa no seu lugar o novo Mercado Municipal de Ribeira trasladando, entretanto, a unha carpa os actuais postos de venda

O actual Mercado Municipal de Ribeira atópanse nun estado lamentábel, sendo urxente a necesidade de dotarse dunhas novas instalacións, tanto á altura da calidade dos produtos que nel se comercializan, como da que a cidadanía de Ribeira merece e demanda.

No balbordo da campaña electoral das municipais do 2007 o alcalde fixo a presentación dun novo mercado que, dous anos despois, resultou ser máis virtual que real. Que se saiba, a día de hoxe aínda non dispón do solar onde poñelo.

Somos conscientes que a ubicación non é un tema menor. O actual Auditorio Municipal foi construído inicialmente para albergar o Mercado Municipal, pero despois dun tempo sen moito éxito, terminou pechado e reformándose para destinalo a utilización actual.

Por esta razón, nós propoñemos que as instalacións do novo mercado se fagan na ubicación actual. Hai espazo suficiente para dotarse dun edificio moderno e funcional. Podería contar, ademais, cun amplo aparcamento soterrado se recorremos aos espazos públicos que hai a carón. Deste xeito os vehículos e mesmo as zonas de carga e descarga poderían quedar debaixo e disporíamos na superficie dunha ampla zona verde.

Mentres tanto, os postos de venda trasladaríanse a unha carpa, como se fixo noutros concellos, algo co que os vendedores e vendedoras da plaza concordan.

Iniciativa Municipal:
2009-03-20mercadomunicipalribeira.pdf

Un comentario en «Demandamos un novo Mercado Municipal para Ribeira»

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.