BNG pide que se exclúa á frota de baixura da aplicación da xeolocalización e da declaración telemática previstas pola UE



webkittext-size-adjust: 100%;”>A portavoz nacional, Ana Pontón, sumouse desde Ribeira ás mobilizacións convocadas en todo o País pola frota de baixura en protesta polo regulamento de control pesqueiro que ultima a Unión Europea incluíndo medidas que carecen de sentido cando se trata da pesca artesanal, en particular cuestións como a xeolocalización e a declaración telemática de capturas.“Total apoio a esta convocatoria e as reivindicacións da frota de baixura fronte a un regulamento inxusto que establece máis controis sobre unha frota que está hipercontrolada. Esta situación volve demostrarnos que desde a Unión Europea non coñecen cal é a realidade do sector pesqueiro galego”, salientou a líder nacionalista.

O Bloque considera que “aínda se está a tempo de modificar algunhas das cuestións máis lesivas dese regulamente que non debería aplicarse á frota de baixura, xa moi controlada, que necesita máis medios para realizar unha actividade pesqueira sostible e esencial para o noso País”, argumentou Pontón.

Este regulamento, denunciou, “fai inviable o funcionamento para moitas artes de pesca en Galiza, implica un sobre control que non aporta nada porque o que necesita a xente do mar é que a deixen traballar e non imposición de máis e máis controis dunha frota xa moi controlada. Por iso desde o BNG pedimos que se exclúa á frota de baixura da aplicación deste regulamento porque carece de sentido”.

Pontón tamén criticou a “hipocrisía” dun PP e dun PSOE que en Bruxelas “votaron a favor deste regulamente”.



Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.