Proposta do BNG para mellorar o transporte público: a iniciativa defendida polo concelleiro Luís Pérez Barral foi aprobada por unanimidade.
O Bloque trasladou a pleno a multitude de queixas polo mal funcionamento do transporte público en Ribeira, por cuestións como a falta de información, atrasos nos horarios ou a falta de persoal para cumprir cos horarios e rutas establecidas e lamentamos que o goberno local non se implicase na resolución do problema.
A falta de horarios nas marquesiñas fai case imposíbel saber a que hora pasan os autobuses ou a pouca claridade deses horarios na web son queixas recorrentes. Pérez Barral, criticou que non haxa xente de atención ao público durante todo o día para atender as persoas que precisen máis información. “O PP, tanto na Xunta como no Concello saben o que pasa e non moven un dedo para solucionalo”.
Por outra banda, tamén trasladamos as queixas polos atrasos que se rexistran nas frecuencias, “é algo intolerábel que isto aconteza se queremos que o transporte público sexa alternativa ao vehículo privado” argumentou Pérez Barral. Desde o BNG estivemos en contacto con persoal da empresa, que nos explicou que hai falta de traballadores e traballadoras e que por iso non poden chegar en tempo a todos os lugares, polo que o BNG esixirá un aumento do número de traballadores e traballadoras para cumprir cos horarios e frecuencias.
Barral pediulle ao goberno local que sente a falar coa empresa para aplicar melloras inmediatas e dar solución ás queixas da veciñanza e instar á Xunta de Galiza a que Ribeira se beneficie do plan de transporte metropolitano para abaratar os transporte público, cuestión na que se nos dixo que xa se traballaba. Tamén pedimos a instalación de paneis dixitais nas principais paradas para saber canto tempo falta para que pase o seguinte autobús e bonificacións para abaratar o custo do transporte público.
Propuxemos que as viaxes xerais teñan un custe máximo dun euro e que haxa descontos adicionais para a mocidade, persoas desempregadas, maiores e con mobilidade reducida. Ademais van propoñer que o transbordo sexa gratuíto, pois “non é normal que para ir dunha parroquia a outra haxa que pagar dúas viaxes” porque isto é prexudicar aos veciños e veciñas que viven no rural. Por último, desde o BNG insistiremos na necesidade de construír de maneira inmediata unha estación de autobuses que dea servizo a todas as persoas usuarias.
Investiranse un total de 427.000€ até 2024 para que o villete xeral teña un custe de 0,85€/viaxe a mocidade teña un prezo de 0,60€/viaxe, as persoas maiores 0,70€/viaxe e as persoas con risco de exclusión poidan viaxar de balde.
Aprobado por unanimidade
Outras propostas:
Redución de taxas por ocupación de vía pública para vendedores/as ambulantes. Aprobado por unanimidade
Petición á Xunta de Galiza para declarar Ben de Interese Cultural (BIC) a Festa do Percebe de Aguiño. Aprobado por unanimidade
Aprobado por unanimidade demandar da Xunta de Galiza que se mellore a nave das redeiras en Aguiño.
Aprobado por maioría absoluta a creación dun plan Reactiva Ribeira II onde o 1,5% dos fondos vaian destinados ao sector da hostalaría.
Concurso público para que a canceira municipal a xestione unha asociación protectora de animais. Aprobado cos votos a favor de PP, BNG, SR abstención de PSOE e votos en contra do PBBI.
Regulamento uso de drons por parte da Policía Local e Grupo de Axuda a Emerxencias Municipal. Votos a favor de PP, PBBI, BNG, PSOE e abstención de SR
Aprobouse cos votos do PP e abstención do PBBI a creación dunha comisión municipal de vivenda. SR, BNG e PSOE votaron a favor doutra proposta máis ambiciosa que fixese unha análise da situación da vivenda en Ribeira para garantir que a poboación teña acceso digno á vivenda e establecer axudas para as persoas en risco.
Cesión de 96 m² de terreo para garantir a accesibilidade universal na nova comisaría de Policía. Aprobado por unanimidade
Rectificación do Inventario de Bens Municipal. Aprobado por unanimidade