Arquivos da etiqueta: Corrubedo

Aprobadas todas as iniciativas do BNG en materia de saneamento e a creación dun aparcadoiro gratuíto

Resumo do pleno de xullo de 2017:

- Aprobada a proposta do BNG para crear un aparcadoiro gratuíto no contorno das Carolinas-Coroso: o Bloque presentou esta proposta ante a falta de aparcadoiros e tras falar con comerciantes e veciñanza da zona. Ante os numerosos establecementos comerciais abertos na Avenida da Coruña, existe unha demanda de zonas de estacionamento onde deixar os vehículos mentres se realizan as actividades comerciais.
En opinión do BNG e das persoas que rexentan negocios nesta zona o número de prazas habilitadas para estacionar é moi escaso. Alén disto último, debemos ter en conta que a maioría das edificacións do contorno son antigas e carecen de aparcadoiros o que provoca que moitas veciñas e veciños teñan que deixar o coche na rúa.
Tal e como defendeu o concelleiro Luís Pérez, no BNG cremos que unha posibilidade para darlle solución a este problema sería habilitar como zona de aparcadoiro gratuíto algunha parcela preto da avenida da Coruña ou rúa Sidreiras. A parcela debería ser acondicionada firme, iluminación, árbores, sumidoiros para este fin. A creación deste aparcadoiro beneficiaría a toda a veciñanza, establecementos comerciais da zona e serviría para que nos meses de verán as persoas que se achegan até a praia de Coroso poida atopar de maneira sinxela un lugar onde deixar o coche.

Aprobado por unanimidade
Proposta completa

- Proposta do BNG para demandar incrementos na partida orzamentaria destinada a camiños rurais: o concelleiro Antón Parada defendeu a necesidade de que Galiza e Ribeira teñan os camiños rurais en bo estado de conservación, non só para previr os lumes forestais, senón tamén para manter un rural vivo e con futuro. O concelleiro nacionalista expuxo que o Plan marco de mellora de camiños rurais para 2016, que contaba cunha dotación para un ano de 19.998.100 de euros, redúcense os fondos dispoñíbeis en máis dun 60 por 100. A Consellaría do Medio Rural recorta a asignación indicativa de 13 euros por habitante de 2016, ao pasar agora a 10 euros por habitante para o período bianual, isto é, 5 euros por habitante e ano.

Aprobado cos votos a favor do BNG, PSOE, IPR, C’s, 3 edís non adscritas/os e a abstención do PP
Proposta completa

- Aprobadas 17 actuacións por valor de 674.000€, moitas delas a petición do BNG:

- Pozo de bombeo e saneamento nos Mosqueiros 55.056€ proposta polo BNG.
- Pavimentación do camiño de Pereiras e do acceso ao Hospital da Barbanza 36.226€ proposta polo BNG
- Lastrar o exterior do Centro Social de Oleiros 56.568€ proposta polo BNG – Renovación servizos en Parte ao Río 38.947€ proposta polo BNG
- Pavimentación e instalación de pluviais na rúa Vicente Risco 23.975€
- Pavimentación, saneamento e pluviais en Martín 68.304€
- Pavimentación de camiños en Deán Grande 54.910€
- Pavimentación e servizos na rúa Martín Códax 40.078€
- Pavimentación no lugar das Laxes, Vilar e Frións 56.321€
- Instalación de pluviais en Fafián 43.347€
- Instalación de pluviais na Revolta 13.517€
- Renovación de abastecemento na rúa Sálvora 56.463€
- Saneamento en Pedra do Pino 20.190€
- Pavimentación rúa da Muralla e Luís Pimentel 27.680€ł
- Ampliación saneamento rúa do Porto 17.720€
- Renovación praza Rafael Dieste 45.842€
- Adquisición do sistema de control de estacionamentos para policía local 19.223€

Outros asuntos:

- Aprobado cos votos a favor de BNG, PP, PSOE, IPR, C’S, 2 edís non adscritos e 1 voto en contra dunha edil non adscrita, a creación dunha oficina de Rehabilitación Municipal a partir de 2018.
- Aprobado solicitarlle a Portos de Galiza que realice melloras no porto de Corrubedo. Nesta proposta, aprobouse unha emenda do BNG para reclamarlle que non só sexa unha actuación puntual, senón que haxa un mantemento anual. – Aceptación da cesión da estatua Grip, valorada entre 400.000 e 500.000€, por parte de D. Chipperfield para instalar en Corrubedo. A proposta do goberno era aceptar a cesión por 10 anos, mais finalmente aprobouse a proposta do BNG de ampliar a cesión a 20 anos con posibilidade de prórroga por 10 máis. Aprobado cos votos a favor de BNG, PP, PSOE, IPR, C’s e en contra de 3 edís non adscritas/os.
- Subvención nominativa de 2.650€ á Federación Galega de Atletismo para a celebración dun Medio Maratón en Ribeira. Aprobado por unanimidade
- Adxudicacións dun posto na primeira planta e do restaurante-terraza do Mercado Municipal. Aprobado por unanimidade
- Traspaso de Costas para titularidade municipal o terreo do parque do castro en Castiñeiras. O BNG pediu que todas as obras que se realicen no lugar, teñan un control arqueolóxico ante posíbeis achados. Aprobado por unanimidade
- Mellorar a planificación da Feira do Libro a partir de 2018. Aprobado por unanimidade
- Aprobado por unanimidade demandar a limpeza á persoa propietaria dunha leira en Ribeira e mellora dun camiño en Aguiño.
- Solicitude do BNG para facer un muro de contención por afundimento da estrada na Fontenla en Carreira.
- Solicitude do BNG para pavimentar o tramo que dá acceso ao parque de Parteaorío en Carreira.
- Melloras integrais no complexo polideportivo da Fieitiera e na limpeza de sumidoiros.
- O Concello de Ribeira negociará coas persoas propietarias de terreos dos Túneles e Pedra do Home para pór en valor a zona. Aprobouse cos votos a favor do PP, PSOE, IPR, C’s, abstención de 3 edís non adscritas/os e en contra do BNG. Desde o Bloque estabamos a favor da proposta pero non se permitiu votar por puntos e a iniciativa contemplaba contratar brigadas municipais contra os lumes forestais, un modelo que o BNG non promove. No Bloque apostamos por un equipo unificado desde a Xunta e con mando único, con persoal profesional e con boas condicións de traballo, o mesmo que reclaman os traballadores/as dos servizos de extinción
- Toma posesión José M. Cardalda como concelleiro de C’s

O BNG levará as demandas dos mariñeiros de Corrubedo ao Parlamento Galego

O concelleiro nacionalista Antón Parada estivo en Corrubedo para atender as demandas dos mariñeiros de Corrubedo en relación ás deficiencias que presenta instalación portuaria.

Os mariñeiros de Corrubedo trasladáronlle ao representante do BNG a falta de chabolas para poderen traballar baixo cuberto e non baixo as inclemencias do tempo.
Reiteraron as demandas, que o BNG xa trasladara o ano pasado ao goberno municipal e a Portos de Galiza, como a necesidade de reparar as escaleiras, sinalización viaria para evitar que os vehículos aparquen diante da rampla, o rebaixe da rampla no seu tramo final para evitar que as embarcacións encallen así como aumentar e mellorar o alumeado.

Ante este problema de total esquecemento por parte de Portos e o goberno local, Parada Fernández anuncioulles que estes problemas alén de ser levados novamente ao pleno do Concello de Ribeira, serán trasladados ao Parlamento de Galiza para que a deputada nacionalista encargada de asuntos marítimos Montse Prado interpele ao responsábel de Portos de Galiza esixíndolle expliacións sobre o abandono do Porto de Corrubedo así como habilitar partidas orzamentarias para o seu arranxo e mellora.

Iniciativa presentada en 2013 polo BNG: veciñanza de Corrubedo e BNG denuncian o mal estado da zona portuaria

Campaña de participación veciñal “Parroquias con Voz”

O BNG de Ribeira quere darlle un maior protagonismo á xente e alentará a participación veciñal na toma de decisións políticas mediante a convocatoria de asembleas abertas en todas as parroquias do municipio durante os meses de xaneiro e febreiro que terá como nome Parroquias con Voz.

En palabras do voceiro, Xosé Vázquez Cobas, “iniciamos unha campaña que chegará a todas as parroquias co fin de escoitar as propostas que a xente ten que facernos sobre a súa parroquia ou sobre calquera tema“. O grupo municipal nacionalista recollerá todas as achegas feitas e negociará co goberno municipal a súa inclusión nos Orzamentos de 2017.
Pola súa banda, o concelleiro Luís Pérez Barral argumentou que o BNG é unha alternativa de goberno que aposta pola participación real “queremos facer o que o goberno do PP foi incapaz de facer nos 25 anos que leva á fronte do concello, que unha parte do Orzamento 2017 sexa destinado a aquilo que demanda a veciñanza de cada parroquia” explicou.

1ª xuntanza, Corrubedo

O BNG tomou nota de todas as propostas que saíron do café-debate coa veciñanza de Corrubedo como a dunha actuación importante para dotar á parroquia dun centro social acorde ás súas necesidades xa que o actual, non é funcional, non ten calefcacción e está mal distribuído.
Outro tema que ocupou grande parte do tempo, foi a situación na que se atopa o campo de fútbol de Samil, no xulgado para saber a quen pertencen os terreos, se ao Concello de Ribeira ou a unha inmobiliaria de Burgos.
Tamén se falou da necesidade de mellorar a iluminación no porto (xa solicitado en varias ocasións polo BNG), instalación dun parque biosaudábel, mellora do parque infantil, accesibilidade a diversos edificios públicos, mala conservación de beirarrúas e algúns accesos a areais. Ao remate deste café-debate os propios asistentes agradeceron o interese do BNG por esa parroquia “esquecida” por polo goberno do PP e deu os parabéns pola organización dunha inciativa deste calado. O noso compromiso queda con elas/es.
Información sobre os Campos de Samil no BOP: Boletín Oficial da Provincia da Coruña