Reclamamos a ampliación do prazo para presentar alegacións ao POL

Plan de Ordenación do Litoral en Ribeira

O BNG ven de presentar unha Proposición non de Lei no Parlamento Galego para reclamarlle ao Goberno do PP da Xunta que amplie o prazo para presentar alegacións ao Plan de Ordenación do Litoral (POL).

O Consello da Xunta do Partido Popular aprobou inicialmente o Plan de Ordenación do Litoral de Galiza o día 29 do pasado mes de xullo. A partir de aí e tras a súa publicación abriuse un prazo de dous meses para a presentación de alegacións, coincidindo nun mes inhábil como é o de agosto.

Dende o BNG consideramos que o tempo para que a cidadanía estude un documento tan complexo e de tanta transcendencia e poida facer alegacións é curto. Por esta razón, o grupo Parlamentar do BNG presentou unha Proposición non de Lei no Parlamento Galego para instar ao Goberno galego a ampliar un mes máis o prazo de presentación de alegacións.

Máis información:

Toda a información a respecto deste documento se pode descargar dende esta páxina:
Plan de Ordenación do Litoral

Iniciativa parlamentar:
2010-09-03ampliacion-prazo-alegacions-pol.pdf

Deixa unha resposta

O teu enderezo electrónico non se publicará Os campos obrigatorios están marcados con *