Solicitamos o arranxo da pista de Sego á Gándara en Artes

Pista Sego a Gándara

O BNG solicítalle ao Goberno Municipal do PP que inclúa o asfaltado da totalidade da pista de Sego a Gándara (pola Laxiña) en Artes, en calquera dos Plans previstos para o ano 2010 ou ben destine unha partida económica no Orzamento Municipal para 2010 a tal efecto.

Con financiamento a cargo do Plan de Cooperación Provincial 2007, levouse a cabo a obra denominada “Instalación de saneamento e pozo de bombeo en Sego (Artes)”. Nin que dicir ten que esta obra era necesaria e moi demandada polos numerosos veciños aos que beneficia.

Lamentablemente, no proxecto desta obra, ademais do saneamento ao longo do seu percorrido, só se contemplou o asfaltado nuns escasos 300 metros, deixando a maior parte do percorrido non só sen asfaltar senón nun estado practicamente intransitable para parte da veciñanza. Aínda recoñecendo os problemas da empresa inicialmente adxudicataria da obra (Seixo), non se entende como o Concello recepciona unha obra que deixa en tan lamentable estado gran parte do camiño.

Deixa unha resposta

O teu enderezo electrónico non se publicará Os campos obrigatorios están marcados con *