Reclamamos que non se paralice o Polígono da Barbanza

Ordenación do Polígono da Barbanza

(Clica na imaxe para ver a Ordenación do Polígono en PDF)

O BNG presentou iniciativas nos concellos da Barbanza e no Parlamento para reclamar que, de forma urxente, o Goberno do PP da Xunta retome o proxecto do Parque Empresarial da Barbanza para que sexa unha realidade o antes posíbel.

A Consellería de Vivenda e Solo adxudicou en outubro do 2008, por 59.392 €, a redacción do proxecto de expropiación dos terreos necesarios para o desenvolvemento do Parque Empresarial do Barbanza, que se emprazará entre os municipios de Ribeira e Pobra do Caramiñal. A empresa que resultou adxudicataria, Nortagro S.L., dispoñía dun prazo de 2 meses para redactar este documento.

O proxecto do Parque Empresarial do Barbanza foi declarado de incidencia supramunicipal polo Goberno galego a principios do mes de setembro dese ano. Esta declaración viña motivada pola magnitude da actuación que se ía desenvolver sobre 1 millón de metros cadrados e porque dará resposta ás necesidades de solo produtivo na comarca da Barbanza, detectadas no estudio de viabilidade medioambiental, técnica e económica no que se analizaron 10 millóns de metros cadrados de terreo.

O investimento total que estaba previsto nesta actuación era de 32.062.224 euros, dos que máis de 27 millóns se adicarían á urbanización e 4,1 millóns se empregarían na adquisición de terreos.

Cabe lembrar que o Parque Empresarial da Barbanza íase desenvolver sobre unha superficie total de 1.008.928 metros cadrados entre os municipios de Ribeira e Pobra, que comparten unha economía relacionada co sector pesqueiro e cunha actividade industrial concentrada na conserva. Da superficie total, 541.520 metros cadrados serian de uso empresarial e industrial, 311.824 metros cadrados para espazos libres, 124.198 metros cadrados para a rede viaria e 31.386 metros cadrados para equipamentos.

Tamén incluia naves modulares para os pequenos empresarios que quixeran instalarse co obxectivo de dar resposta ás súas necesidades de solo produtivo a un prezo e nunhas condicións razoables. Estas naves terian un tamaño aproximado de 500 metros cadrados e serian adxudicadas en réxime de aluguer con opción de compra transcorridos 10 anos.

Ademais, o futuro Parque Empresarial do Barbanza contaria cun edificio de usos múltiples para dar servizo aos empresarios que se instalasen neste parque, tanto de Ribeira como de Pobra do Caramiñal. Este edificio, que contaría con espazos comúns de novas tecnoloxías, estaba previsto que se situara nunha parcela de uso dotacional público e sería adxudicado por concesión administrativa durante un prazo determinado de tempo.

O Parque Empresarial do Barbanza estaba incluído no Proxecto Galiza Suma, que suporía a construción de parques empresariais estratéxicos e ben dimensionados, cunha alta calidade arquitectónica e tecnolóxica, con dotacións e servizos propios do século XXI.

Nestes intres descoñecemos a situación na que se atopan os trámites para a construción deste parque empresarial, estratéxico para a economía de Ribeira e da Comarca, que foi deixado nunha fase moi avanzada pola Consellería de Vivenda e Solo do anterior goberno da Xunta.

Iniciativa Municipal:
2010-02-12mocion-poligono-barbanza.pdf

Iniciativa Parlamentar:
20100222-pregunta-situacion-actual-poligono-comarcal.pdf

Nova na Voz:
O BNG denuncia a «parálise» do macropolígono

Nova no Diario de Arousa
2010-02-23-o-bng-denuncia-a-paralizacion-do-poligono-da-barbanza.pdf

Unha reflexión sobre “Reclamamos que non se paralice o Polígono da Barbanza

  1. Neo

    Ya sabemos que muchas empresas están en crisis, como las de construcción y derivadas, pero otras están en ascenso porque toda crisis arrastra esto. Donde se instalarán las empresas de distribución, alimentación, comercialización de nuestros productos, nuevas tecnologías y otras? ...Pues fuera de Riberia, como hasta ahora. Lo de este gobierno Municipal es de juzgado de guardia: años esperando por un polígono y cuando está casi conseguido lo echan abajo…¿No hai ciudadanía consciente? ¿No hai empresarios libres? ¿No hai trabajadores concienciados? ¿No hai amas de casa con hijos y nietos? ¿No hai juventud con inquietudes? ¿No hai periódicos críticos? ¿No hai intelectuales libres? Hace tiempo que no tenemos dentro del concello de Ribeira gobernantes responsables, pero mirando desde la ventana para fuera tenemos que gritar…¿Hai alguien ahí?

    Responder

Deixa unha resposta

O teu enderezo electrónico non se publicará Os campos obrigatorios están marcados con *