Defendemos o sistema público galego de servizos soiais e apoiamos a manifestación do 30 de xaneiro

Mobilización en defensa dos servizos sociais públicos do 30 de xaneiro

Máis de 60 entidades sociais e concellos de Galicia, entre os que se atopan concellos pequenos como: A Bola, Poboa de Brollón; concellos medianos como: Carballiño ou Monforte e Concellos grandes como Vigo ou Vilagarcía, e entidades como os Colexios Profesionais de Psicolog@s e Educador@S Sociais de Galicia e diversas entidades sectoriais do ámbito da Inclusión Social, da promoción da autonomia persoal, das drogodependencias, etc., tales como: a Fundación Érguete-Integración, Alcer, Plataforma polo Emprego, Plans Comunitarios dos Barrios de Vite ou Teis, e máis dun cento de cidadáns e cidadás, maioritariamente técnicos e profesionais dos servizos de benestar social presentaron publicamente a Plataforma en Defensa do Sistema Público Galego de Servizos Sociais.

No transcurso do acto tivo lugar a presentación do Manifesto en Defensa do Sistema Público Galego de Servizos Sociais que, consensuado entre as entidades antes mencionadas, propón a posta en marcha de actuacións orientadas a fortalecer o actual sistema galego de servizos sociais, no marco da Lei de Servizos Sociais de Galicia aprobada no ano 2008.

A Plataforma está aberta á participación de todas as entidades e persoas interesadas e preocupadas por esta cuestión. Pretende impedir a posta en marcha de actuacións políticas dirixidas á privatización e mercantilización de servizos sociais públicos esenciais, o que suporía ademáis unha perda na calidade e extensión dos mesmos, e atentaría contra os dereitos recoñecidos na Lei de Servizos Sociais para o conxunto dos galegos e galegas.

As persoas e entidades interesadas en participar nesta Iniciativa poden facelo a través do correo electrónico: defensa.servizossociais.publicos@gmail.com

Máis información:
manifesto-en-defensa-dos-servizos-sociais-publicos.pdf

Deixa unha resposta

O teu enderezo electrónico non se publicará Os campos obrigatorios están marcados con *