Reclamamos a mellora das liñas electricas de Oleiros

No Pleno do pasado luns, día 25 de xaneiro, debateuse unha iniciativa do BNG na que se lle reclamaba ao Goberno do PP a realización das xestións oportunas diante da Consellería de Industria para que inste a Unión Fenosa a executar a obra de Carballo-Sobrido por vía de urxencia dado que xa rematou o prazo para realizar a obra.

Tamén demandamos que por parte do concello se facilite a dotación do terreos para a colocación do transformador nos Muíños.

A pesar da evidente necesidade de mellorar as liñas electricas de Oleiros, o Goberno PP rexeitou en Pleno facer ningún tipo de xestión ao respecto.

Co goberno do BNG na Xunta déronselle solucións a moitos dos problemas de subministro de electricidade en todo o Concello e tamén na parroquia de Oleiros con diferentes obras, algunhas delas xa rematadas. Outras, inexplicablemente, seguen a sufrir atrancos e aínda nin se empezaron como é o caso da obra de Os Muíños, paralizada pola ubicación do transformador, e a de Carballo-Sobrido que tiña que estar rematada como moito no mes de setembro.

Isto ocasiona que os veciños e veciñas dalgúns lugares da parroquia de Oleiros leven varios anos queixándose porque non teñen o suministro de enerxía eléctrica necesaria. Nalgúns casos é tan deficiente que cando se encende algún aparato como pode ser a prancha, o forno, unha lavadora, etc., a tensión baixa de forma alarmante, tendo que chegar ó extremo de apagar algúns elementos para que poidan funcionar outros. Ao mesmo tempo hai veciños que non puideron contratar a antiga tarifa nocturna para poder dispor de calefacción, porque os instaladores desaconsellan a súa instalación polas deficiencias comprobadas no subministro de enerxía eléctrica.

Fixéronse diferentes xestións telefónicas e reclamacións por parte dos veciños e veciñas de Oleiros tanto diante da empresa subministradora Unión Fenosa como da Consellería de Industria. Tamén se informa destas deficiencias ao Goberno Municipal do PP de Ribeira en comunicacións feitas desde o ano 2001.

Diante da falta de interese do Goberno Municipal, o Grupo Municipal do BNG informou á Consellería de Industria da Xunta de Galiza, naquel momento gobernada polo BNG, das deficiencias do subministro eléctrico en varias parroquias do Concello de Ribeira, entre elas Oleiros, unha das que presentan máis deficiencias. Aínda que as actuación da Consellaría de Industria foron moi importantes, seguen quedando algúnhas zonas da parroquia con deficiencias no suministro electrico por atrancos diversos, como é o caso da obra dos Muiños e a de Carballo-Sobrido que xa debería estar rematada en setembro. O traballo feito polo BNG dende o Goberno da Xunta terá agora continuidade dende a oposición reclamando diante do goberno do PP de Ribeira e da Xunta as melloras que tanto a cidadanía de Oleiros como a do conxunto de todo Ribeira necesita.

Iniciativa municipal:
2009-11-20linas-electricas-oleiros.pdf

Unha reflexión sobre “Reclamamos a mellora das liñas electricas de Oleiros

  1. Nero

    Es cierto que un concejal del PPDR dijo que tenía que ser la empresa la que comprase el terreno? Que el ayuntamiento no le facilitase los terrenos? Es que a la corriente que ese señor tiene en su casa también le puso tantas trabas? Algunos no ven más allá de sus posaderas!

    Responder

Deixa unha resposta

O teu enderezo electrónico non se publicará Os campos obrigatorios están marcados con *