Reclamamos a marcaxe das liñas de fútbol sete na Fieiteira

O BNG ven de reclamar, unha vez máis, que o Goberno do PP tome as medidas oportunas para que se solucione, de xeito definitivo e urxente, a marcaxe das liñas de fútbol sete no campo de céspede artificial da Fieiteira con materiais definitivos e, mentres tanto, que se pinten con cal os días que haxa competición

O pasado sábado 28 de novembro cen nenos non puideron xogar ao fútbol sete no campo de céspede artificial d’A Fieiteira xa que as liñas que delimitan o terreo de xogo estaban sen pintar.

Con máis de 2 meses de competición esta situación bochornosa era previsible, xa que o pintado das liñas de xogo estaba sendo efectuado, de xeito voluntario, tanto por directivos dos clubs, como por técnicos municipais e incluso polos propios pais dos rapaces.

Sen dúbida, é responsabilidade do goberno local dar as ordes oportunas para que as instalacións deportivas municipais estean nas mellores, e regulamentarias, condicións para a práctica do deporte. Neste caso o goberno local debe resolver de xeito definitivo o marcado das liñas de xogo permanentes, e mentres iso non se produce debe responsabilizarse do pintado con cal das mesmas.

O grupo municipal do BNG é coñecedor de que xa se iniciaron as xestións para o pintado permanente destes campos, xestión esta que tiña como data de finalización, tal como se lles explicou aos clubs, o pasado mes de setembro. O BNG non entende como pasados xa 2 meses, non se tomaron as medidas oportunas para resolver esta situación.

Iniciativa Municipal:
2009-11-30_solicitude_pintado_campos_da_fieteira.pdf

Nova relacionada:
As deficiencias do campo de fútbol da Fieteira suscitan as queixas dos pais e dos clubs de fútbol

Deixa unha resposta

O teu enderezo electrónico non se publicará Os campos obrigatorios están marcados con *