Interesámonos pola posta en funcionamento do Heliporto

Reunión co Comité Empresa do Hospital da Barbanza

O BNG pregunta no Parlamento Galego cales son as razóns polas que non está operativo o heliporto do Hospital da Barbanza

Entre as melloras realizadas na pasada lexislatura no Hospital da Barbanza, está a licitación e construción dun heliporto. É esta unha obra longamente demandada pola cidadanía e tamén polo BNG en diversas iniciativas municipais e parlamentares. Finalmente, as obras foron adxudicadas no pasado mes de febreiro, por un importe de 176.896 € (máis IVE).

A estas alturas, o heliporto leva xa algún tempo rematado, tal como pode comprobarse visitando as instalacións hospitalarias, pero continúa sen estar operativo. Segundo declaracións da anterior xerente, esta infraestrutura podería estar en funcionamiento dende o mes de xullo.

Dende o BNG consideramos necesario que a Xunta de Galiza explique a demora na posta en marcha do heliporto. Trátanse dunhas instalacións básicas para mellorar a resposta do sistema sanitario ante casos nos que fora preciso un traslado urxente. Non resulta explicábel que non exista axilidade á hora de poñer en funcionamento infraestruturas que supoñen unha mellora na atención, máxime cando falamos de servizos de urxencia.

Iniciativa Parlamentar:
2009-11-13-heliporto-hospital-barbanza.pdf

Deixa unha resposta

O teu enderezo electrónico non se publicará Os campos obrigatorios están marcados con *