Reclamamos melloras no Hospital da Barbanza

O BNG reuníuse co Comité de Empresa do Hospital da Barbanza

O BNG DENUNCIA, DEFICIENCIAS NA ATENCIÓN SANITARIA PRESTADA NO HOSPITAL DA BARBANZA

Ana Pontón, Deputada do BNG, e membros do BNG da Barbanza mantiveron unha xuntanza co comité de empresa para analizar os problemas existentes no Hospital da Barbanza

O comité de empresa, denunciou ante representantes do BNG, que a atención ao paciente vese gravemente atacada coa insuficiencia de persoal en determinadas especialidades e categorías profesionais.

En servizos coma xinecoloxía e traumatoloxía as listas de agarda son “interminables”, a carencia de facultativos é especialmente significativa nestas especialidades.

Trala incorporación do Hospital do Barbanza ó SERGAS, segue existindo diferenzas notables na calidade dos servizos prestados en relación a outros hospitais do sistema sanitario galego, nestes momentos non existe na Barbanza, a categoría profesional de “celador”, circunstancia esta que implica que funcións propias da mesma, sexan cubertas por outro persoal sanitario, todo isto en detrimento da calidade do servizo no seu conxunto.

O BNG da Barbanza, tamén denuncia a falta de seguridade existente no Hospital, os efectivos que dispón non son suficientes para garantir a seguridade de pacientes, coma do persoal sanitario.

Asemade, o BNG da Barbanza fai súas as reivindicacións do comité de empresa, iniciadas polo persoal sanitario na defensa dos acordos salariais vixentes, que hoxe está a paralizar o actual Goberno da Xunta de Galiza.

One Comment on “Reclamamos melloras no Hospital da Barbanza”

Deixa unha resposta

O teu enderezo electrónico non se publicará Os campos obrigatorios están marcados con *