Interesámonos no Congreso pola nova Comisaría de Policía

JORQUERA PREGUNTA AO GOBERNO CANDO VAN COMEZAR AS OBRAS DA NOVA COMISARÍA DE POLICÍA EN RIBEIRA

O deputado do BNG rexistrou unha iniciativa parlamentar no Congreso para coñecer se as obras se van iniciar nos vindeiros meses debido á necesidade das novas dependencias

Madrid, 2 Outubro 09. O deputado do BNG no Congreso, Francisco Jorquera, rexistrou unha iniciativa parlamentar na Cámara Baixa para preguntarlle ao Goberno cando van comezar as obras da nova comisaría de Ribeira.

Jorquera explica na iniciativa que o Ministerio de Interior se comprometeu a construír unha nova comisaría de policía debido á necesidade de contar con novas instalacións, “máis idóneas e mellor acondicionadas que as actuais”.

A actual adoece de falta de espazo

Pón de manifesto que as actuais instalacións adoecen de falla e espazo, “de feito se tiveron que realizar obras en diversas ocasións ou recorrer ás dependencias da policía local para a custodia de detidos debido a que non hai espazo”.

Pero, sinala o deputado do BNG , e “a pesar de que o concello xa cedeu os terreos e de que se entregou o proxecto ao concello, as obras aínda non comezaron”. Esa é a razón pola que Jorquera se dirixe ao Ministerio de Interior para coñecer en que situación se atopa a dotación dunha nova comisaría de policía en Ribeira, “cando se van iniciar as obras? Será nos vindeiros meses? Cando prevé o Ministerio que entre en funcionamento esta nova comisaría?”, son algunhas das cuestións que formula ao Goberno.

Ademais, tamén quer saber a canto ascende o investimento a realizar e cais son as características do proxecto.

Iniciativa parlamentar:
2009-10-02-nova-comisaria-policia-ribeira.pdf

Nova na Voz:
Francisco Jorquera pregunta no Congreso polo inicio das obras da nova comisaría de Ribeira

Deixa unha resposta

O teu enderezo electrónico non se publicará Os campos obrigatorios están marcados con *