O PP rexeita ampliar a oferta formativa na Escola Náutica

O PP votou en contra dunha moción que pedía melloras para a Escola Náutico Pesqueira só porque viña do BNG

O BNG solicitaba a aprobación en Pleno do acordo de instar á Consellería do Mar a que na Escola Náutico Pesqueira de Ribeira se dea formación, se examine da parte teórica e da práctica (para isto precísanse barcos) para poder quitar as titulacións máis básicas da Navegación de Recreo. Xa que ata o de agora o que se fai na EONP é só examinar da parte teórica da cal o alumnado se ten que formar por libre ou ben pagando academias privadas. Para facer o exame práctico é preciso que o alumno aporte unha embarcación propia ou ben que pague os servizos dun centro privado. Algo que de seguro é totalmente ilóxico, tendo unhas excelentes instalacións no noso concello e uns profesionais docentes de primeiro nivel.

Na iniciativa pesentada, o BNG instaba a que a Consellería de Pesca forme (a través de cursos específicos), examine da parte teórica e práctica (para iso ten que ter unhas embarcacións) e certifique as titulacións (cuestión esta que xa fai), dotándoa dos recursos humanos e materiais precisos.

Tendo en conta que en Ribeira contamos coa citada EONP, temos unha delegación da Consellería do Mar e un pantalán onde están atracadas as embarcacións dos Garda Costas o máis lóxico sería completar esta formación de xeito completo no noso concello.

Sen dúbida, aprobar unha medida como esta suporía que moitas persoas puidesen quitar estes títulos de navegación de lecer que lles permitiría poder ter, ou conservar, unhas embarcacións tradicionais na nosa ría tal e como son as dornas.

Inexplicablemente o PP de Ribeira priva á súa cidadanía de poder ter unha formación complementaria no ámbito náutico.

Máis información…

Deixa unha resposta

O teu enderezo electrónico non se publicará Os campos obrigatorios están marcados con *