Estrea lamentábel!

Son contadas as ocasións nas que Torres Colomer, alcalde de Ribeira, durante o seu longo mandato cedeu a presidencia do Pleno a algunha das tenencias de alcaldía. Unha delas aconteceu o pasado luns durante o Pleno ordinario. Por regra xeral, a sesión prolongase dende as 20:00 horas até as 24:00 horas, cun descanso de 30 minutos a iso das 22:00 horas aproximadamente.

No último Pleno, ao levantar a sesión para o descanso, o alcalde informounos que se atopaba indisposto e que logo presidiría a sesión á tenente de alcalde. Pola nosa parte, nada que obxectar, máis ben todo o contrario. Tratábase dun feito histórico. Era a primeira vez que unha muller presidía un pleno ordinario en Ribeira.

Lamentablemente, e moi ao noso pesar, hai que dicir que isto foi o único positivo dunha estrea que a tenente de alcalde se encargou de ensombrecer por méritos propios. O de menos foron os continuos erros, mesmo o absoluto descoñecemento dos temas que se estaban tratando; o máis preocupante foi a súa actitude, prepotente e autoritaria en xeral, e mesmo ameazante con algún concelleiro do BNG. Unha lamentábel actuación, totalmente fora de lugar, e que desluciu por completo a súa estrea como primeira muller en exercer como Presidenta da Corporación Municipal de Ribeira.

Deixa unha resposta

O teu enderezo electrónico non se publicará Os campos obrigatorios están marcados con *