Solicitamos a dotación de casas de cultura nas parroquias

O BNG presentou unha moción pola que solicitou diante do Pleno da Corporación que se dote a todas as parroquias de Casa de Cultura

Reclama que se realicen as obras de reparación, acondicionamento e mantemento das Casas de Cultura existentes, que se amplíe o horario de apertura das mesmas e que se leve a cabo un Plan de Dinamización cultural organizando programacións específicas en todas as parroquias

As Casas de Cultura son espazos de convivencia cidadá, centros de dinamización que permiten descentralizar as actividades culturais e acercalas ás diferentes parroquias e ás persoas de tódalas idades. En este sentido son múltiples as actividades que terían que desenvolver para que funcionaran como verdadeiros centros de cultura.

Non todas as parroquias do concello de Ribeira teñen Casa de Cultura nin sequera algún local no que se poida desenvolver as actividades pertinentes.

Asemade naquelas parroquias onde hai Casas de Cultura ou ben están infrautilizadas e deterioradas polo abandono (humidades, portas rotas, sucidade, ...) ou incluso pechadas durante todo o ano servindo só, nalgún caso, como almacén de material do concello.

A todo isto hai que engadir que o goberno municipal non ten elaborado un Plan de Dinamización cultural para estes espazos.

Dende hai tempo as asociacións culturais e veciñais e as ANPAS veñen reclamando a creación destes espazos onde non existen, a apertura das infrautilizadas e a elaboración dunha programación de actividades acorde ás demandas da cidadanía deste concello.

Posicionamento en contra do PP

Sen embargo, a pesar desta clamorosa demanda, o PP votou en contra desta iniciativa por considerar que “xa están niso”, aínda recoñecendo que casas de cultura como a de Castiñeiras “estan pechadas todo o ano”.

Iniciativa Municipal:
2009-04-18casas-cultura.pdf

One Comment on “Solicitamos a dotación de casas de cultura nas parroquias”

Deixa unha resposta

O teu enderezo electrónico non se publicará Os campos obrigatorios están marcados con *