As mulleres, imprescindíbeis para saír da crise

Este ano o 8 de marzo, Día Internacional das Mulleres, transcorre nun contexto político e económico diferente aos anos anteriores, dende o BNG queremos expresar que o noso traballo a prol da loita dos dereitos das mulleres non vai decaer e seguiremos loitando polos mesmos, así como na defensa dos intereses do noso pais, do noso idioma e da nosa cultura.

O BNG estára sempre en pé para a defensa dos galegos e das galegas, e o faremos desde a oposición ou dende o goberno, segun o lugar que o pobo galego queira que ocupemos en cada momento.

O BNG todos os anos se manifesta na defensa dos dereitos das mulleres, e insiste na necesidade de ter presente para a organización da nosa sociedade, para a organización política e económica, o dereito das mulleres a desenvolver plenamente a súa cidadanía en igualdade cos homes.

Por esta razón para este sábado 7 de marzo e domingo 8 convocamos a todo o mundo a participar nas concentracións programadas pola Marcha Mundial das Mulleres, para pór de manifesto o compromiso do BNG expresado no lema “As mulleres imprescindíbeis para saír da crise”. “Para garantir os nosos dereitos laborais e sociais, Estatuto de Nación para Galiza”.

O BNG apoia as concentracións e manifestacións programadas pola Marcha Mundial das Mulleres na Galiza:

Vigo:
Manifestación ás 12.00h., o domingo 8, desde a Praza 8 de marzo
Ourense:
Acto das Mulleres e posterior percorrido polo Paseo o sábado 7 ás 19.00h. na Praza Concepción Arenal
Pontevedra:
Concentración ás 20.00h, o sábado 7, na Praza 8 de marzo
Ferrol:
Manifestación ás 12.30h, o domingo 8, na Praza Amada García (edificio Xunta de Galiza) e chegada ao Cantón de Molíns
Santiago de Compostela:
Manifestación o domingo 8, ás 12.00h da Praza do Toural, percorrido por Praza de Galiza até á Praza 8 de marzo
A Coruña:
Concentración o domingo 8 ás 12.30 no Obelisco

Máis información…

Iniciativa do día internacional das mulleres:
2009-03-06_8_marzo.pdf

Deixa unha resposta

O teu enderezo electrónico non se publicará Os campos obrigatorios están marcados con *