Solicitamos información das obras na Casa de Cultura de Carreira

O BNG de Ribeira reclámalle ao Goberno Municipal do PP que se xustifiquen os investimentos que se levaron a cabo no acondicionamento da Casa da Cultura de Carreira

Tamén solicita que se vele polo correcto remate desas obras e que se conclúan as actuacións prometidas que quedaron sen executar

A Casa da Cultura de Carreira tiña previsto, por parte do Concello, un investimento para acondicionar as súas instalacións. Estas actuacións incluían o arranxo da cuberta, a dotación dun salón de actos e un cambio de portas e ventás, entre outras. Xa fai tempo que estas obras se deron por rematadas pero a cuberta non se chegou a cambiar, o chan ten a tarima que se lle colocou totalmente levantada e as fiestras meten auga por todas partes. O salón de actos que se fixo consiste nun biombo divisorio que separa o bar dun espazo diáfano, e que non da cobertura as necesidades reais da veciñanza.

A actitude que esta a ter o Goberno do PP perante os veciños e veciñas so pode cualificarse de burla e desprezo. As xentes da parroquia seguen sen ter un espazo para reunirse, sen ter un lugar onde realizar actividades e sen poder celebrar as actividades do Nadal na propia parroquia, simplemente porque foron privados do espazo onde poder facelo, e non se lles habilitou outro ao efecto tal e como se lles prometeu.

Para o BNG, feitos como este poñen de manifesto, unha vez máis, o escaso interese pola cultura deste Goberno popular e, ao mesmo tempo, o constante incumprimento dos compromisos que acada do que, en ámbolos dou casos, é boa mostra a situación na que se atopa a Casa de Cultura de Carreira.

Iniciativa municipal:
2008-12-07_obras_casa_cultura_carreira.pdf

Deixa unha resposta

O teu enderezo electrónico non se publicará Os campos obrigatorios están marcados con *