Homenaxe a Castelao no seu 59 cabodano

O candidato do BNG apelou, durante a homenaxe a Castelao, á maioría social que “sabe que o BNG é o mellor instrumento para a defensa dos intereses do noso país”

O acto congregou en Rianxo a un importante número de nacionalistas, cargos institucionais e orgánicos do BNG da Barbanza e do País, entre os que se atopaban a voceira municipal de Ribeira, Dominga Brión, o alcalde de Boiro, Xosé Deira, a voceira da Pobra e Deputada provincial, Rosana Pérez, e a portavoz municipal de Rianxo, Adelina Ces, que se encargou da presentación do acto. Na súa intervención tivo palabras de recordo para os traballadores e traballadoras afectadas pola crise “ocasionada polo capitalismo máis salvaxe”.

Así mesmo, recordou a actuación das áreas do goberno galego xestionadas polo BNG: en concreto, a creación do parque empresarial da Barbanza e a rehabilitación do Casco Vello de Rianxo.

Tras os discursos, Quintana e Adelina Ces, acompañados de numerosos representantes orgánicos e institucionais do BNG, realizaron a tradicional ofrenda floral ante a estatua de Castelao.

Máis información…

Nova no Canal Rías Baixas:
Quintana fai un chamamento ós galegos para incrementa-lo peso do BNG na política estatal

Nova na Galega:
O BNG homenaxea a Castelao no 59 cabodano do seu pasamento

Deixa unha resposta

O teu enderezo electrónico non se publicará Os campos obrigatorios están marcados con *