O BNG homenaxeará a Castelao en Rianxo

Homenaxe a Castelao Quintana, Jorquera e Adelina Ces

O portavoz nacional do BNG, Anxo Quintana, achegarase este mércores, día 7 de xaneiro ás 11,00 horas, á Casa da Cultura de Rianxo para rendir homenaxe a Daniel Castelao no 59 cabodano do seu pasamento.

O acto, organizado polo BNG, será presentado por Adelina Ces, voceira municipal do BNG de Rianxo. Posteriormente as persoas asistentes realizaran un percorrido polas rúas da vila, pasando pola Rúa de Abaixo, onde están as casas de ilustres rianxeiros como a do propio Castelao, Dieste e Manuel Antonio. O acto rematará coa tradicional ofrenda floral diante do busto de Castelao no Paseo da Ribeira.

Deixa unha resposta

O teu enderezo electrónico non se publicará Os campos obrigatorios están marcados con *