Industria colabora para achegar o gas natural a Ribeira

INNOVACIÓN E INDUSTRIA COLABORA CON GAS GALICIA PARA ACHEGAR A SUBMINISTRACIÓN DE GAS NATURAL A RIBEIRA

TAMÉN COLABORA PARA LEVAR A SUBMINISTRACIÓN DE GAS NATURAL ÁS LOCALIDADES DE CARRAL, BARREIROS, ARCADE, CERVO E SALVATERRA DE MIÑO

 A Consellaría de Innovación e Industria achegará o 30% do investimento preciso para a execución das obras, que se eleva a 8.285.499 euros. En Ribeira o investimento será de 3.428.366 euros

A Consellaría de Innovación e Industria asinou un convenio de colaboración con Gas Galicia para a subministración de gas natural nas localidades de Carral (A Coruña), Barreiros (Lugo), Arcade (Soutomaior, Pontevedra), Ribeira (A Coruña), Cervo (Lugo) e Salvaterra de Miño (Pontevedra). Estes proxectos encádranse no acordo de colaboración da Consellaría de Innovación e Industria coa devandita empresa subministradora de gas para o desenvolvemento da IV Fase de Gasificación de Galiza, presentado polo titular de Innovación, o nacionalista Fernando Blanco.

O investimento preciso para a construción da infraestrutura gasista necesaria para adiantar a subministración de gas natural aos concellos referidos suma 8.285.499 euros, dos cales Gas Galicia achegará o 70% e a Consellaría de Innovación e Industria o 30%. Por localidades, o investimento desagrégase da seguinte maneira: Carral, 901.506 euros; Barreiros, 1.133.870 euros; Arcade, 556.354 euros; Ribeira, 3.428.366 euros; Cervo, 989.100 euros; e Salvaterra de Miño, 1.276.303 euros.

En todos os casos, os proxectos de execución contemplan a construción de plantas de gas natural licuado agás o de Arcade, que se alimentará dende a rede de Redondela. As obras de construción destas redes de subministración culminarán no ano 2010.

Deixa unha resposta

O teu enderezo electrónico non se publicará Os campos obrigatorios están marcados con *