Interesámonos en Madrid polos investimentos na Barbanza

O deputado do BNG, Francisco Jorquera, presentou unha inciativa no Congreso dos Deputados interesándose polo grao de execución de varias partidas para proxectos na Barbanza incluídas nos Orzamentos Xerais de 2008.

Trátanse de partidas por valor de 2,6 millóns de € que foron incluidas despois da negociación realizada polo BNG co Goberno durante o trámite dos Orzamentos.

En concreto, figura unha consignación económica de 700.000 € para o proxecto de recuperación dos cantís entre Tanxil e Tronco, en Rianxo.

A seguinte partida é a referente ao proxecto do Paseo marítimo do Río Coroño e de Esteirón en Boiro con unha consignación de 600.000 €.

Outro dos proxectos que recibiron unha importante consignación e o relativo ao acondicionamento do litoral e senda peonil na Ribeiriña en Pobra orzamentado en 1 millón de €.

Por último, incluíronse 300.000 € para un novo proxecto de recuperación do borde natural de Couso a Corrubedo e da Illa de Sálvora.

En concreto, o deputado do BNG interésase polo grao de execución de cada un dos proxectos, polo estado de tramitación dos mesmos e polas características e prazos que se manexan para a súa realización.

Iniciativa parlamentar:
execucion-investimentos-barbanza.pdf

Deixa unha resposta

O teu enderezo electrónico non se publicará Os campos obrigatorios están marcados con *