Reclamámos un Centro Integrado na Barbanza

O BNG ven de presentar unha iniciativa municipal para que a corporación inte á Consellería de Educación a que no vindeiro curso se poña en marcha un Centro Integrado de Formación Profesional no concello de Ribeira

Os centros integrados de formación profesional concíbense como institucións ao servizo da cidadanía e do sector productivo, que deben contribuír á cualificación e recualificación das persoas acomodándose ás súas distintas expectativas profesionais, tal e como consta no Real Decreto 1558/2005, do 23 de decembro polo que se regulan os requisitos básicos destes centros.

Estes centros deben incluír nas súas accións formativas as ensinanzas propias da formación profesional inicial, as accións de inserción e reinserción laboral dos traballadores e das traballadoras, e as de formación permanente dirixidas á poboación traballadora ocupada.

A publicación do R.D anteriormente mencionado fixo necesaria unha adaptación á nova normativa e así creáronse os novos centros integrados polo Decreto 154/2006, de 7 de setembro de 2006.

Como recordamos tanto a comunidade educativa, como o sector empresarial e productivo do noso concello demandaron a creación dun centro integrado en Ribeira sen que esto supuxera a desaparición da oferta formativa de ESO no IES Coroso. E dicir, que se creara o centro integrado por desdobre deste centro (como se fixo noutros concellos como Fene ou Ribadeo) e non por simple transformación.

Despois de dous cursos aínda non contamos cunha oferta formativa tan necesaria na nosa comarca e no noso concello.

Unha reflexión sobre “Reclamámos un Centro Integrado na Barbanza

  1. Pingback: Centro Integrado, si, ESO, tamén! | Dominga Brión

Deixa unha resposta

O teu enderezo electrónico non se publicará Os campos obrigatorios están marcados con *