Solicitamos que Urbanismo comprobe o Mirador de Padín

O BNG solicitoulle á Dirección Xeral de Urbanismo da Consellaría de Política Territorial que comprobe se o Residencial Mirador de Padín se axusta á licencia concedida polo Xunta de Goberno Local acorde co Plan Xeral de Ordenación Municipal (PXOM) de Ribeira, especialmente no tocante a alturas, retranqueos, ocupación e edificabilidade. De non ser así, que se proceda á súa paralización inmediata e a restitución da mesma á legalidade vixente.

A urbanización Residencial Mirador de Padín, de 227 vivendas, estase construíndo na Rúa do Comandante de Ribeira e dela o BNG ten recibido queixas da veciñanza no senso de denunciar agravios comparativos no relativo, especialmente, a alturas. O Goberno Municipal concedeulle, por convenio, baixo, 5 plantas e baixo cuberta. Este é un privilexio co que o entorno próximo non conta. A preocupación da cidadanía, e tamén deste Grupo Municipal, é que se excedan as alturas concedidas pois iso iría en detrimento da calidade de vida de toda a cidadanía do entrorno.

Por esta razón acudimos a ante a Dirección Xeral de Urbanismo da Consellaría de Política Territorial, para que dentro das súas funcións de “dirección, planificación, impulso, xestión e coordinación das competencias que, en materia de urbanismo, ordenación do territorio e do litoral, corresponden á consellería” e que se concretan, entre outras, no seguinte: “e) O fomento, seguimento e control da actividade urbanística”, fagas as comprobacións que estimen oportunas para garantir que a devandita urbanización se adapta á normativa vixente.

Iniciativa:
2008-05-08miradorpadin.pdf

Deixa unha resposta

O teu enderezo electrónico non se publicará Os campos obrigatorios están marcados con *