Solicitamos que se complete o saneamento de Artes

O BNG ven de reclamarlle ao Goberno Municipal que proceda á dotación de rede de sumidoiros ós lugares de Viñas e Teixoeira, en Artes, asignando a necesaria partida do orzamento municipal previsto para o ano 2008

Tamén demada que o Goberno Municipal leve a cabo as obras precisas para que todas as vivendas de Goda e Perdigoteira poidan conectarse á actual rede de sumidoiros.

A parroquia de Artes conta cunha rede de sumidoiros executada en gran parte en base a un acordo entre o Concello e a Comunidade Veciñal. A execución do saneamento de Goda a Muíños deixou, inxustamente, un bo número de vivendas dos lugares de Viñas, Goda e Perdigoteira sen este servizo hoxe en día básico, pese á demanda do BNG (Moción de 24 de marzo de 2003).

Tamén, incomprensiblemente a día de hoxe, un grupo de veciños do lugar de Teixoeira carecen da posibilidade de conectar as súas vivendas á rede, pese a pasar esta a moi pouca distancia. Esta situación de clara discriminación é máis grave aínda se pensamos que na actualidade os vertidos van a pozos negros, algúns en particular con serios problemas de funcionamento que verten directamente ao río de Viñas, ao río Sanchanás e polo tanto ás augas do Carregal, no Parque Natural de Corrubedo. Hai que dicir tamén que non existe ningún impedimento serio de tipo técnico debido á orografía destes lugares que impida executar as obras precisas para dar fin a esta situación.

Deixa unha resposta

O teu enderezo electrónico non se publicará Os campos obrigatorios están marcados con *