Pleno de maio

Na sesión plenaria ordinaria do 26 de maio só se debateron 2 das seis mocións presentadas polo BNG. Como ven sendo habitual, o PP rexeitou todas as nosas iniciativas alegando o tan manido “xa estamos niso”.

A novidade da xornada plenaria de onte foi que o salón de plenos estivo ateigado de veciñas e veciños de Ribeira, unha boa parte da Rúa do Pombal e arredores, que quixeron escoitar directamente do grupo de goberno que plans tiñan para arranxar o entorno das súas vivendas. Aínda que o goberno do PP votou en contra, pese a insistencia do BNG, dixeron publicamente que teñen previsto unha segunda fase para o arranxo da Rúa do Pombal, que incluiría todo o entorno das vivendas que faltan. Tomamos debida nota e estaremos atentos para que cumpran co compromiso de executar esa segunda fase.

No relativo ao saneamento de Oleiros, tamén votaron en contra a pesar que un pouco antes recoñeceron que o Anteproxecto de Edar de Corrubedo deixaba sen saneamento moitos núcleos de Oleiros: Os Muiños, Lixó, Carballo, Sobrido, parte da Gandara, parte de Salmón. Mesmo se comprometeron a facer, con cargo aos orzamentos do concello, a canalización os núcleos que faltan. Aínda así, un pouco despois, sen ningún tipo de rubor, votaron en contra dunha iniciativa que pretendía recoller nun acordo plenario precisamente iso, alegando que non procedía.

Pulsa enriba da iniciativa para obter máis información sobre a mesma.

As mocións tratadas en Pleno son en relación cos seguintes temas:

1.- Actuación integral na Rúa do Pombal
2.- Saneamento de Oleiros

Mocións pendentes para o vindeiro Pleno:

3.- Saneamento de varios núcleos de Artes
4.- Centro Integrado
5.- Mellora canalizacións de saneamento en Aguiño
6.- Patrimonio etnográfico

Deixa unha resposta

O teu enderezo electrónico non se publicará Os campos obrigatorios están marcados con *