Solicitamos o saneamento para Oleiros

O BNG solicita do Goberno do PP que faga as obras necesarias para dotar de saneamento a toda a parroquia de Oleiros

No anteproxecto da Xunta non se recollen as augas residuais de distintos puntos da parroquia como Salmón, Lixó, Os Muiños… Solicitamos que o Goberno municipal faga as alegacións pertinentes ao anteproxecto para dotar de saneamento todos os núcleos de poboación de Oleiros, ou que efectue as obras pertinentes con fondos propios

Desde o Grupo Municipal do BNG xa se levan presentado diante do pleno diferentes mocións reclamando obras para que todos os veciños/as do concello teñan acceso a servizos básicos como é o do saneamento.

Na parroquia de Oleiros hay unhas 400 vivendas das que só poden dispoñer de alcantarillado 14, pois unicamente existen uns 1000 mts. de rede de saneamento. Logo da reclamación por parte dos veciños, de reiteradas promesas electorais, e mesmo apoiando por toda a corporación municipal mocións presentadas polo BNG, para dotar a Oleiros deste servizo, o Goberno Municipal esquence non só unha promesa, senón que incumple un acordo do Pleno Municipal.

Só desde a incompetencia e a deixadez do PP se pode entender que logo de mais de 20 anos de goberno se sigan ignorando as reivindicacións dos veciños/as, dun servizo tan elemental como é o saneamento, discriminados ano tras ano, a pesar de colaborar desinteresadamente cando se trata de intereses para todo o Concello.

Iniciativa municipal:
2008-04-22saneamentooleiros.pdf

Deixa unha resposta

O teu enderezo electrónico non se publicará Os campos obrigatorios están marcados con *