Recuperación do casco histórico de Carreira

Pedras de Carreira

O BNG interesouse novamente diante do Goberno do PP pola recuperación do casco histórico de Carreira presentando unha nova iniciativa na que, ademais, pregunta cales son as razóns polas que as pedras foron trasladadas ao Campo de Fútbol de Carreira

Tamén lle pregunta ao executivo, no caso de que non aproveiten as lousas, que a xuízo dos Técnicos Municipais son recuperábeis a un 80%, cal é o uso ou disposición que vai a facer das mesmas

A recuperación do casco histórico de Carreira, é unha obra que está a causar múltiples atrancos á veciñanza. Nunha primeira fase fíxose un proxecto sen coñecer o que en realidade estaba oculto baixo unha capa de formigón.

Logo de comezada, e tras a aparición dunhas grandes lousas de perpiaño moi ben conservadas, de dimensións considerables e con un certo valor histórico, e tras solicitarse por parte do BNG a este Goberno Municipal a súa recuperación, a obra sofre un parón, segundo din, para reestructurar ese proxecto.

Cando se volve a encamiñar, a empresa que estaba a executar a obra (SEIXO, S.L.) presenta suspensión de pagos e fai parón na mesma, deixando ós veciños/as coas entradas das súas casas obstruídas e sen posibilidade de acceso en moitos dos casos.

Agora, tres meses máis tarde, as grandes lousas de perpiaño son desmontadas e transportadas para depositalas no Campo de Fútbol de Carreira.

Iniciativa municipal:
2008-05-12pedracascohistoricocarreira.pdf

Deixa unha resposta

O teu enderezo electrónico non se publicará Os campos obrigatorios están marcados con *