Creación dunha Escola de Idiomas na Barbanza

A Consellaría de Educación dí agora que Ribeira contará cunha sección da Escola Oficial de Idiomas cando fai pouco máis dun mes dixo todo o contrario no Parlamento Galego en resposta a unha iniciativa do BNG

O BNG presentou en concellos da comarca unha iniciativa municipal na que se demandaba que se fixeran as xestións oportunas para que o vindeiro curso 2008-09 a Barbanza contara cunha Escola Oficial de Idiomas. Concretamente en Ribeira presentouse unha solicitude con data 16 de novembro, ante o Pleno da Corporación Municipal.

Tamén, o Grupo Parlamentario do BNG formulou unha pregunta sobre o ensino de idiomas na comarca da Barbanza, publicada no BOPG con data 1 de febreiro. Na contestación formulada pola Consellería de Educación e Ordenación Universitaria, con data de 28 de febreiro, dicíase que “a curto prazo non está prevista a apertura doutra sección da Escola Oficial de Idiomas no Barbanza”; responden tamén que “a sección de Noia pretende cubrir a comarca de Noia e as de Muros e o Barbanza”.

Parécenos cando menos sorprendente a inesperada declaración da Consellería de Educación e o cambio de postura a respecto do declarado no Parlamento Galego hai pouco máis dun mes. Queremos supoñer que non houbo ocultación naquela resposta escrita (o que suporía un uso perverso da institución parlamentar) ou que non se trata agora dunha simple declaración propagandística de cara á galería. En todo caso congratulámonos deste cambio de postura e agardamos o seu cumprimento.

Desde o BNG seguiremos atentos para que este compromiso que responde a múltiples demandas da cidadanía sexa cumprido e non quede nunha simple declaración de intencións.

Iniciativa municipal

Iniciativa parlamentar:
26414-pe_escola-idiomas-barbanza.pdf

Resposta Consellaría Educación:
resposta-parlamentaria-pregunta-eoi.pdf

Nova relacionada na Voz:
Ribeira contará cunha sección da Escola Oficial de Idiomas o próximo curso

Deixa unha resposta

O teu enderezo electrónico non se publicará Os campos obrigatorios están marcados con *