O Pleno de marzo celebrarase o 7 de abril

Pleno de xaneiro 08

O pleno do 31 de marzo trasládase ao vindeiro luns, día 7 de abril, a partir das 20:00 horas, por razóns de axenda do alcalde no Senado, pois tomará posesión o día 1 de abril. Deste xeito a axenda do Senado condiciona a axenda da política local. Agardamos que isto sexa a excepción e non a norma. Non hai que esquecer que o goberno municipal conta con dúas persoas con dedicación exclusiva como tenentes de alcalde, que ben poderían suplir ao alcalde nun pleno ordinario.

Na sesión plenaria debateranse un importante número de iniciativas presentadas polo BNG: 6 mocións e un bo número de solicitudes, as que hai que engadirlle as pendentes de Plenos anteriores que non se trataron por falta de tempo. Cabe indicar que, por unha cuestión organizativa, está limitado o número de mocións a presentar por cada grupo municipal. En concreto ao BNG correspóndenos un máximo de 6. Lembramos que os plenos son públicos e poden asistir todas aquelas persoas que o desexen.

Pulsa enriba da iniciativa para obter máis información sobre a mesma.

As mocións son en relación cos seguintes temas:

1.- Reclamamos que se replantee o proxecto da Casa da xuventude
2.- Dotación dun salón de actos á Casa de Cultura de Carreira.
3.- Situación dos parques infantís.
4.- Cobertura TDT no noso Concello.
5.- Saneamento de Oleiros.
6.- Mantemento da tarifa nocturna.

Algunhas da solicitudes son as seguintes:
1.- Demandamos a separación de pluviais e fecais en Aguiño
2.- Reclamamos unha actuación integral en Fondevila
3.- Demandamos o arranxo de deficiencias en Abesadas e Cubeliños
5.- Solicitamos a paralización das obras na Lagüiña
6.- Reclamamos que se comprobe unha urbanización de Mondelo
7.- Solicitamos unha actuación integral no lugar do Castro
8.- Reclamamos máis liñas de NoiteBús para Ribeira

Algunhas solicitudes pendentes de Plenos anteriores:

1.- Instalación de contedores de lixo e limpeza dos mesmos.
2.- Control da velocidade en O Vilar.
4.- Transporte público a O Vilar por Gude (Artes).
5.- Mellora da limpeza no barrio de Bandourrío e arranxo da rúa Perú.
6.- Saneamento e actuación integral no lugar da Graña.
7.-Estado da rede de pluviais e as beirarrúas no lugar do Vilar.
8.- Retirada de refugallos do Esteirón, Palmeira, e mellora integral da zona.

Deixa unha resposta

O teu enderezo electrónico non se publicará Os campos obrigatorios están marcados con *